［離少少題］有關「新和聯勝」嘅European Super League ，大把花生。可以長寫但太趕...

［離少少題］有關「新和聯勝」嘅European Super League ，大把花生。可以長寫但太趕客，而且啲球迷好多都係lunatics 不可理喻。

（edit 10:30 -我就奉勸大家唔好跟車太貼TVB上身。足協固然腐敗，但富豪球會都係咁上下，話知你啲小班會死，加上各國政府似乎都反對ESL，仲有冇運行？我唔出工作證畀你當你黑工都仲得，有排玩）

就係12間球會（英超迫悉匙，意甲祖雲達斯米蘭雙雄，西甲皇馬巴塞馬體會）另起爐灶，唔玩歐聯，自己搞個ESL

要講一樣，新一代球迷，我感覺係「貼地」啲，一開始睇波已經係極商業化嘅年代，唔似啲廢老咁見證過渡期，而家轉會極少畀人鬧叛徒，大家都明都係金錢遊戲。想要「社區聯繫」你可以去睇英乙或者德丙之類

咁又真係大家都知，ESL當然都係因為錢。

但點解係呢十二間支持？就值得講下。有人話「大會」，表面啱，一路係「大會」有誘因搞呢啲嘢。但 come on, all due respect, AC米蘭都大會？曹永廉咩

舊年歐聯冠亞軍，拜仁同PSG，點都係「大會」，收入各樣嘢放埋在嗰12間都在前列。但點解拜仁PSG（仲有其他德甲法甲會），唔加入？

你可以睇返，呢12間會，共通點唔係「大」，係「莫財」。（利物浦未有數，但照計都係）

呢12間會，未計球員買賣前嘅operations ，都係輸錢嘅。留意呢個係上季，疫情只係影響3個月。今季當然更難睇。

商機何在？除咗係分少份畀啲弱旅，亦因為美國嘅Jp Morgan 畀錢：不過只係借畀你

亦都留意，並唔係話拜仁PSG（鍾意加埋多蒙特里昂）點崇高。呢個ESL討論，由廿幾年前G14年代到後來ECA一路都講，拜仁PSG多蒙特等等作為富豪球會（拜仁PSG收入歐洲頭五，多蒙特十幾），一直有參加討論



只係各有計算或各懷鬼胎，「教父」咁，“ I must say no to you “, respectfully decline.

歐洲足協國際足協必然反制，禁晒你啲會踢國內聯賽，球員冇得踢歐國盃世界盃。你班武夫不過係帝王家屋簷前嘅堂前燕。12間球會因為冇錢要急於另起爐灶，就正暴露咗佢地冇錢，worst case 嘅，攬炒，可以燒幾耐？拜仁PSG似乎押注呢一邊。

當然你亦可以理解做，拜仁PSG覺得你班友燒錢理財不善之嘛，關我鬼事，做乜拉我落水。拜仁可能等呢日等好耐呢？（雖然PSG就好有喜感）（但留意下：似乎昨日較早前話曼城唔加入，似乎最後一刻先改變主意，可能同PSG一樣，背後水喉太大）

仲有個講法話因為德甲球會有50+1，但我有啲懷疑。拜仁多蒙特等等一路有參加討論，而德國足總亦都話反對ESL（英國首相都出嚟反對添呀）

可以睇下最後邊個屈服，足協讓步定球會讓步。但球會在冇錢下同人反枱⋯⋯⋯⋯就必定玩感情告急牌叫球迷科水了。

蘇斯克查歐聯絕殺NFT ，anyone ？

（半講笑，你見12間會曼聯最唔莫財，況且上市公司，要拎錢易好多，但肯定有人搞NFT）

圖： @swissramble

牛年比別人知得多。subscribe now.
Patreon.com/ivanliresearch

---